ਰਾਜਾ ਵੜਿੰਗ ਕਰ ਰਹੇ ਹਨ ਆਪਣੇ ਹੀ ਨੇਤਾ ਰਾਹੁਲ ਗਾਂਧੀ ਦੀ ਨੀਤੀ ਦੇ ਉਲਟ ਬਿਆਨੀਬਾਜ਼ੀ
Raja Warring is making statements contrary to the policies of his own leader Rahul Gandhi.
ਰਾਜਾ ਵੜਿੰਗ ਕਰ ਰਹੇ ਹਨ ਆਪਣੇ ਹੀ ਨੇਤਾ ਰਾਹੁਲ ਗਾਂਧੀ ਦੀ ਨੀਤੀ ਦੇ ਉਲਟ ਬਿਆਨੀਬਾਜ਼ੀ
ਲੁਧਿਆਣਾ, 6 ਨਵੰਬਰ (ਇੰਦਰਪਾਲ ਸਿੰਘ ਧੁੰਨਾ) : ਤਰਨਤਾਰਨ ਦੀ ਜ਼ਿਮਨੀ ਚੋਣ ‘ਚ ਪ੍ਰਚਾਰ ਦੌਰਾਨ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵੱਲੋਂ ਸਾਬਕਾ ਕੇਂਦਰੀ ਮੰਤਰੀ ਮਰਹੂਮ ਬੂਟਾ ਸਿੰਘ ਬਾਰੇ ਕੀਤੀ ਟਿੱਪਣੀ ਨੇ ਪੰਜਾਬ ਦੀ ਸਿਆਸਤ ‘ਚ ਤਰਥੱਲੀ ਮਚਾਅ ਕੇ ਰੱਖ ਦਿੱਤੀ ਹੈ, ਵਿਰੋਧੀ ਤਾਂ ਖੁੱਲ੍ਹ ਕੇ ਵਿਰੋਧ ਕਰ ਹੀ ਰਹੇ ਹਨ ਕਾਂਗਰਸੀ ਵੀ ਦੱਬੀ ਆਵਾਜ਼ ‘ਚ ਰਾਜਾ ਵੜਿੰਗ ਦੀ ਬਿਆਨਬਾਜ਼ੀ ਦਾ ਵਿਰੋਧ ਕਰ ਰਹੇ ਹਨ। ਉਧਰ ਕਾਂਗਰਸ ਹਾਈਕਮਾਂਡ ਵੀ ਰਾਜਾ ਵੜਿੰਗ ਦੀ ਬੇਲੋੜੀ ਬਿਆਨਬਾਜ਼ੀ ਤੋਂ ਡਾਹਢੀ ਔਖੀ ਹੈ। ਕਾਂਗਰਸੀ ਖੇਮੇ ‘ਚ ਇਹ ਚਰਚਾ ਆਮ ਛਿੜੀ ਹੋਈ ਹੈ ਕਿ ਇਕ ਪਾਸੇ ਰਾਹੁਲ ਗਾਂਧੀ ਹਰ ਭਾਈਚਾਰੇ ਨੂੰ ਨਾਲ ਕੇ ਚੱਲਣ ਦੀ ਰਣਨੀਤੀ ਅਪਣਾਅ ਰਹੇ ਹਨ ਤੇ ਦੂਜੇ ਪਾਸੇ ਰਾਜਾ ਵੜਿੰਗ ਆਪਣੇ ਹੀ ਨੇਤਾ ਰਾਹੁਲ ਗਾਂਧੀ ਦੀ ਨੀਤੀ ਦੇ ਉਲਟ ਬਿਆਨੀਬਾਜ਼ੀ ਕਰ ਰਹੇ ਹਨ, ਇਸ ਤੋਂ ਪਹਿਲਾਂ ਰਾਜਾ ਵੜਿੰਗ ਨੇ ਵਿਧਾਨ ਸਭਾ ‘ਚ ਵਿਰਸਾ ਸਿੰਘ ਵਲਟੋਹਾ ਦਾ ਜ਼ਿਕਰ ਕਰਦਿਆਂ ਸਿੱਖ ਵਿਰੋਧੀ ਟਿੱਪਣੀ ਕੀਤੀ ਸੀ, ਲੁਧਿਆਣਾ ਪੱਛਮੀ ਜ਼ਿਮਨੀ ਚੋਣ ‘ਚ ਗੁਪਤਾ ਭਾਈਚਾਰੇ ਖ਼ਿਲਾਫ਼ ਟਿੱਪਣੀ ਕੀਤੀ, ਤਰਨਤਾਰਨ ਜ਼ਿਮਨੀ ਚੋਣ ਪ੍ਰਚਾਰ ਦੇ ਸ਼ੁਰੂਆਤੀ ਦੌਰ ‘ਚ ਖਾਲਿਸਤਾਨ ਤੇ ਹਿੰਦੂਸਤਾਨ ਬਾਰੇ ਬੇਲੋੜੀ ਬਿਆਨਬਾਜ਼ੀ ਕੀਤੀ ਜੋ ਭਾਈਚਾਰਕ ਏਕਤਾ ਲਈ ਵੱਡੇ ਸਵਾਲ ਖੜ੍ਹੇ ਕਰਦੀ ਹੈ ਤੇ ਹੁਣ ਸਵ: ਬੂਟਾ ਸਿੰਘ ਬਾਰੇ ਟਿੱਪਣੀ ਕਾਰਨ ਤਰਨਤਾਰਨ ‘ਚ ਕਾਂਗਰਸ ਆਗੂਆਂ ਅੰਦਰ ਚਿੰਤਾ ਹੈ, ਜਿਸ ਦਾ ਨਤੀਜਿਆਂ ‘ਤੇ ਅਸਰ ਪੈਣ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ, ਰਾਜਾ ਵੜਿੰਗ ਦੀ ਬਿਆਨਬਾਜ਼ੀ ਕਾਂਗਰਸ ਨੂੰ ਤੀਜੇ ਨੰਬਰ ‘ਤੇ ਵੀ ਧੱਕ ਸਕਦੀ ਹੈ ਜੋ ਕਾਂਗਰਸ ਲਈ ਬਹੁਤ ਵੱਡਾ ਝਟਕਾ ਸਾਬਿਤ ਹੋਵੇਗਾ।
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
